رفرف علمنا بالسماء فوق الآفاق
وشعشع شعاع المجد واعلن شموله
وجينا نبايع والعلم فوق خفاق
راية وطن ترفع ومضمون دوله
جينا نبايع سيدي دمث الأخلاق
ولي عهد وله حصان البطوله
ونقول له ياسيدي جاك مالاق
وجينا مع جمع تشكل مثوله
ونبايعك ونقول ياشمس الأشراق
يامحمد اللي كل عالي تطوله
ولي عهد ولك على الحق ميثاق
والصعب عندك يامحمد حلوله
ومن فكرك الناضج محنك وعملاق
ورؤيتك فيها المجد باربع فصوله
وحب الوطن ماهو بمكتوب بأوراق
حب الوطن فعل وكلام نقوله
وماهو بمعنى المال ومرهون بأنفاق
حب الوطن ماهو بدافع عموله
حب الوطن بأخلاص من جوف الأعماق
حب الوطن أسمى معاني الرجوله
حب ، الوطن دافع وبالروح ينساق
ومن دافع الأخلاص نرسل رسوله
قلته وانا في ديرتي حيل مشتاق
واعشق ثراها من سنين الطفوله
الشاعر: ظافر المشعلي
