من نافذة قصرها طلّت وبان الشعاع
بالليل لكن مثل الشمس يوم اظهرت
وجهٍ سطع نور لو هي تستره با القناع
جميع ما حولها منها انورت واسفرت
كن البشر عقب شافوها عطاشا جياع
لو تبتسم خمرت عقول البشر وسكرت
ولو جت لناس مفرقهم خلاف ونزاع
انحلت المشكلة لو كان هي مادرت
تجمعوا حولها لو ما يبون اجتماع
ونسيوا خلاف السنين الماضية لا حضرت
ولو حطت ايدينها على الكبود الوجاع
سلمت من اوجاعها كل الكبود وبرت
البارحه صار شي وللحديث انطباع
قالوا من اثمن ما طب السوق منه اشترت
وعزمت بصالة زواج من الكبار الوساع
وتحولت كل الاضواء صوبها وانورت
وتوسع المجلس وما كان فيه اتساع
كلن تخلى المكان إلها وعنها انبرت
جميع من الفرح ضاعنّ والرقص ضاع
ماتطيح منها العيون ان ناحرت وادبرت
ويوم ارقصت مثل رمحٍ في يدين الشجاع
واصواتهن بالزغاريد اعتلت وكثرت
في رقصها عز وايضا للمشاهد متاع
تفتر وتدور وان هي ادبرت ناحرت
ترزف مثل مهرةٍ عند أهلها ما تباع
الزين فيه افترت والرقص فيه افترت
وقامت تشق الصفوف امودعتهن وداع
تفوح الاجواء بريحة عطرها لاسرت
شعر: المهدي تركي الرياحي _جدة
