الأحلام طارت واتبعتها الأماني
وغيمة سحاب البعد بالبرق لاحت
وحل الفراق وموعد البعد حاني
وخيمة غرام العشق والحلم طاحت
وبعده سهرت الليل وهمي طواني
واهموم لليلي من فراقي تلاحت
وقصت غرامي من قديم الزماني
واسرارها من جور الأيام باحت
واطعونها بالجوف وسط المحاني
ومن حرها كبدي من الشوق فاحت
لاأسدل ظلام الليل همي لفاني
والضيقة تعاود ليا قلت راحت
وتلفيني اهمومي وتملا مكاني
وحدب الضلوع من الهموم اتناحت
واسبابها من سيد كل الغواني
اللي عليه النفس باالشوق ناحت
وحبه متعبني وهدم كياني
وعيني بدمع الشوق هلت وساحت
ولا غاب عن بالي وحتى ثواني
والروح من زود العنا مااستراحت
الشاعر/ ظافر المشعلي _الخبر
