الشاعر : ماجد عبدالله السلمي
بديت بسم الله قبل كل مبدأ
الواحد اللي كون الكون وأبداه
ومن بعدها ياهاجس الشعر نبدأ
الليل توه وأجزل الشعر نبداه
النوم عن عيني تخطر وعدأ
ولانام جفنن والكرى قد تعداه
سهران ليلي والهموم أتحدأ
أو كل هم أحاوره وأتحداه
وأن قلت ياعقلي تراك المبدأ
القلب جاب أكبر همومه وبداه
والعين قامت من نظرها تحدأ
من دمع من بين المحاجر نثر ماه
تأثروا عيني وقلبي من الدأ
والقلب من مافيه بيح خفاياه
والعقل بالتفكير يسرع وهدأ
وياليت مافي القلب من هم هداه
أثر الجروح أكبار ماتنتهدأ
أكبر من الأفكار والطب ودواه
وأقفت نجوم الليل والفجر بدأ
بان الفجر والليل قفت مطاياه
والله يالولا الكيف منه أستمدأ
من جوف بغداديه الرأس يشعاه
لون الذهب منها يجي له ملدأ
والزعفران أيسابقه بعد زكاه
لاصب صاف الكيف للهيل ندأ
ورأس يحب الكيف يحيي خلاياه
وقمت أبعيد الذاكره وأستردأ
وذكرت من كثر عليه بشكواه
في كل يوم يعد شكواه عدأ
كن الزمان بكل قوه توطاه
أكبر همومه تنتهي في المغدأ
وينسى ويسلى فأول اليوم وأتلاه
وأن هب له من صافي الوقت ندأ
قلبه ماكن الهم مره ولا جاه
ياصاحبي لو كان فيك أتقدأ
حتى زماني تبتسملي ثناياه
شاعر قوي وله عدة قصايد وطنيه ماشالله
تبارك الله