لا عاد تنشد عن الأخبار والحــالة
أنا بنفسي ترى مدري وش أخباري
أحياناً أنفث على المهموم واقرا له
وأحيان من ضيقتي يحتاج لي قاري
حتى ان برد الشعور أحيان يطرا لي
يدفي على جمرةٍ(ن) من برجي الناري
أسري مع خاطري المجروح والواله
إلـى ان خيـط الصباح يقيّـد الساري
يضحك لي الكون يوم ان تبتسم ناله
واذا انتصر ضيمها تهزمني افكاري
مــدري الّم الحبر يوم القلم ساله
والا مدادي ورق وآآشقق أحباري
اشوف ثوب الزمن ياما اغرب اطواله
والا انا يا بشر غريبة أطواري ؟؟؟
يا للي نشدني عن الاخبار والحالة
أنا بنفسي ترى مدري وش اخباري
الشاعر / علي الزيداني ..
